- Advertisement -

Drífa Snædal komin í drullumallið

Jóhann Þorvarðarson skrifar:

Drífa réðst af mikilli vanstillingu að ákvörðun stjórnar Eflingar um að segja öllu starfsfólki upp vegna nauðsynlegrar skipulagsbreytinga og nútímavæðingar skrifstofu Eflingar.

Drullumallar hún óætan páskabúðing og ræðst að fólkinu sem færði henni stól forseta ASÍ.

Það hefur legið fyrir alllengi að Drífu Snædal hefur mistekist að efla einingu innan Alþýðusambands Íslands (ASÍ). Er nú svo komið að öllum, sem fylgjast með, er ljóst að sambandið er klofið í herðar niður. Öðru megin eru þeir sem vilja heyja raunverulega kjarabaráttu á meðan hinir hafa lokað sig inn í fílabeinsturni alblindu á stöðu lægst launaða fólksins. Svo snauður er seinni hópurinn að sumir hika ekki við að klaga atvinnulausa launþega af erlendum uppruna til Vinnumálastofnunar. Og það vegna misskilnings og rótgróins rasisma innan launþegahreyfingarinnar.

Fyrri hópurinn, sem ræður yfir nægu atkvæðamagni, hefur sagt að nýr forseti ASÍ verði kosinn þegar kjörtímabili Drífu líkur. Samkvæmt framstigi Drífu í gær þá er örvænting hlaupin í kerlu. Drullumallar hún óætan páskabúðing og ræðst að fólkinu sem færði henni stól forseta ASÍ. Gærdagurinn var henni til ævarandi minnkunar.

Nú þegar dagar Drífu á forsetastóli ASÍ eru senn taldir þá óska ég henni bara velfarnaðar og meiri gæfu á nýjum vettvangi.

Drífa réðst af mikilli vanstillingu að ákvörðun stjórnar Eflingar um að segja öllu starfsfólki upp vegna nauðsynlegrar skipulagsbreytinga og nútímavæðingar skrifstofu Eflingar. Starfsfólkið hefur fengið hvatningu til að sækja aftur um, en ljóst er að fækka þarf um 17 stöðugildi. Þetta er alsiða þegar fara þarf í grundvallar breytingar. Drífa leyfir sér samt að kalla uppsagnirnar óhæfu, jafnvel þó þær séu teknar með hagsmuni félagsmanna Eflingar í huga.

Nú er það alveg allsbert að Drífa kaus einarðlega hagsmuni ofbeldisfullra starfsmanna, sem hertekið hafa skrifstofu Eflingar, umfram hagsmuni félagsmanna. Fólksins sem greiðir laun skrifstofufólksins. Efling starfar fyrir félagsmenn sína en ekki starfsfólk sem sáldrar skít og viðbjóði um lýðræðiskjörinn formann. Í örvæntingunni þá er Drífa uppvís að samþykki á einelti og að standa með eigin ofurlaunum umfram hagsmuni láglaunafólksins. Nú þegar dagar Drífu á forsetastóli ASÍ eru senn taldir þá óska ég henni bara velfarnaðar og meiri gæfu á nýjum vettvangi.


Auglýsing

Tengdar fréttir sem þú gætir haft áhuga á að lesa: