„Ég er auðvitað ekki búinn að lesa þessar 33 blaðsíður,“ sagði þingmaðurinn og fyrrum sýslumaður í Vestmannaeyjum, Karl Gauti Hjaltason, í umræðu um stjórnarfrumvarp um að fækka sýslumöönum í aðeins einn.
„Ég segi bara í lokin, af því að tíminn er að verða búinn: Níu sýslumenn á Íslandi, átta á landsbyggðinni og færri en það á landsbyggðinni í raun og veru vegna þess að þeir eru kannski ekki nema fimm úti á hinni dreifðu landsbyggð — er það ofrausn, frú forseti? Er það ofrausn? Oft er þessi maður kannski eina yfirvaldið á staðnum sem íbúarnir geta leitað til og fengið úrlausn sinna mála. Það eru ákveðin lífsgæði, frú forseti, að geta verið í beinum samskiptum við þann sem er að taka mikilvægar ákvarðanir í lífi hvers manns.“