- Advertisement -

Einn vinnudagur á viku og himinhá laun

Ég hygg að Ingólfur sé búinn að snúa sér í marga hringi í gröfinni yfir letimenningu réttarins.

Jóhann Þorvarðarson skrifar:

Það er svo lítið að gera upp í Hæstarétti að dómararnir þurfa bara að mæta einn dag í viku til vinnu. Þetta er haft eftir Markúsi Sigurbjörnssyni fyrrverandi forseta réttarins. Dómararnir bera sjálfir mikla ábyrgð á verkleysinu enda hefur verið sýnt fram á að þeir hafna áfrýjunarbeiðnum til réttarins án ígrundunar.  

Dómararnir ganga um tiltekið lagaákvæði laga um meðferð einkamála eins og um einkaeign sé að ræða, en ekki landslög. Hafa dómararnir farið hiklaust gegn vilja löggjafans, Alþingis, ef það hentar letimenningu réttarins. En ef hæstaréttardómari sækir um áfrýjunarleyfi þá fæst leyfi hið snarasta þó málið sé nauðaómerkilegt. Tveir karlar að rífast um notkun á íslensku lýsingarorði. Dómarinn í málinu ku víst horfa hátt til lofts í tilraun til að ná augnsambandi við mótaðilann, en það dugar lítt.

Þú gætir haft áhuga á þessum

Þrátt fyrir verkleysið þá halda dómararnir himinháum launum. Þetta eru án vafa dýrustu starfsmenn ríkisins að teknu tilliti til fjárbindingar í hinu ógnardýra húsnæði réttarins við Arnarhól. Kopar, granít og organpæn um allt hús. Hver dómari kostar samkvæmt þessu 150 milljónir króna á ári.

Í miðjum veirufaraldrinum þá fengu dómararnir myndarlega launahækkun úr ríkiskassanum á sama tíma og tugþúsundir landsmanna lenda inn á atvinnuleysisskrá! Já, rétturinn lætur ekki slá sig út af laginu. Raula víst lagið „Krókamak“ dagana fjóra sem ekkert er að gera um leið og afturhluti styttunnar af Ingólfi Arnarssyni landnámshöfðingja er mældur út í verkleysinu. Ég hygg að Ingólfur sé búinn að snúa sér í marga hringi í gröfinni yfir letimenningu réttarins. Sjálfur lifði hann íslenskt harðræði af í gegnum vinnusemi og allsgáður við sín störf.  


Auglýsing

Tengdar fréttir sem þú gætir haft áhuga á að lesa: