Ég hef haft talsvert opið fyrir gömlu gufuna, rás 1. Sjálfur hef ég borið ábyrgð á efni í fjölmiðla og veit að það þarf talsverða framsýni til að fylla vefmiðla, útvarp og fleira yfir jól og aðra frídaga.
Ég get ekki sæst á lausn þeirra sem ráða gömlu gufunni. Þeir brugðu á það ráð að endurtaka og endurtaka gamalt efni. Aftur og aftur. Sumt alveg ágætt en fyrr má nú rota en dauðrota.
Annað, þar sem við eigum jú öll Ríkisútvarpið finnst mér að aðrir fjölmiðlar, og þar á meðal Miðjan mín, geti haft aðgang að safni þess og fengið að birta það gamla efni sem þar er. Og það frítt.
-sme