- Advertisement -

Er Halldóra Sigríður Sveinsdóttir vandamálið?

Jóhann Þorvarðarson skrifar:

Dylgjar um mögulegan fjárdrátt innan Eflingar án þess að leggja fram eitt gagn máli sínu til stuðnings. Þar til, og ef, þá er Halldóra Sigríður ekkert annað en naðra af verstu sort. Rógberi!

Formaður Bárunnar stéttarfélags virðist vera að sökkva ASÍ í sæ. Áður hefur komið fram í máli Ragnars Þórs Ingólfssonar, formanns Verslunarmannafélags Reykjavíkur,  að hann sjái ekki að VR geti verið áfram innan vébanda ASÍ vegna framkomu og vinnubragða Halldóru Sigríðar Sveinsdóttur formanns Bárunnar. Nú stígur nefnd Halldóra Sigríður fram og heggur að Sólveigu Jónsdóttur og Viðari Þorsteinssyni. Dylgjar um mögulegan fjárdrátt innan Eflingar án þess að leggja fram eitt gagn máli sínu til stuðnings. Þar til, og ef, þá er Halldóra Sigríður ekkert annað en naðra af verstu sort. Rógberi!

Framkoma Halldóru Sigríðar er að slíta í sundur friðinn innan ASÍ og verður ekki annað séð en að víkja þurfi henni úr öllum trúnaðarstörfum innan ASÍ og Bárunnar ef ekki á illa að fara. Ekki bætir úr skák þegar núverandi formaður ASÍ segist ekki kannast við neinn ófrið innan ASÍ. Ég trúi því vart að formaðurinn sé búinn að loka sig inn í fílabeinsturni sem er svo ranghalaður að ekki sjáist milli vistarvera. Skipulag ASÍ má aldrei vera það völundarhús að forystufólk geti bara sogað sig á rjómaspena  þannig að ekkert sjáist út vegna feitrar rjómafroðunnar. Halldóra Sigríður ætti að þurrka munnvikin og augabrúnirnar og hlífa launafólki við frekari skaða.


Tengdar fréttir sem þú gætir haft áhuga á að lesa: