Logi Einarsson segist ekki sjá neinn möguleika til að Samfylkingin muni vinna með Sjálfstæðisflokki að loknum kosningunum í september 2021. Við höfum heyrt svipað áður. Ekki bara frá Loga. Heldur líka frá Svandísi Svavarsdóttur sem í dag situr í ríkisstjórn með Sjálfstæðisflokki. Hún kyngdi stóru orðunum.
Vissulega er ekki sama Svandís og Logi. Samt hringja bjöllur þegar stjórnmálafólk talar eins og Logi gerir nú og Svandís þá. Freistnin getur skekkt dómgreind fólks. Eins og til dæmis Svandísar Svavarsdóttur. Hversu stöðugur mun Logi verða þegar ráðherrastólar til handa honum og hans fólki blasa við? Verður Sjálfstæðisflokkurinn þá eins vondur og hann er sagður vera núna?
Ég efast.
-sme