- Advertisement -

Er það Gunnar Smári eða Jón Steinar?

Davíð er nánast illur þegar hann færir Gunnar Smára úr Staksteinaflórnum yfir í leiðarann.

Ekki er beint hægt að segja að Davíð froðufelli í leiðara dagsins. Hann fer nærri því. Ljóst er að Davíð þykir Gunnar Smári hafa stigið á línuna eða jafnvel yfir hana. Gagnrýni Smára á dómstólanna svíður. Enda teljast þeir eign Davíðs og hans vina.

„Það ættu allir sem til dómstólanna ráðast að hafa lært það sem kannski skiptir mestu máli í starfi dómstólanna: að vera heiðarlegir, beita réttarheimildum hlutlægt og fara aldrei í manngreinarálit. Þeir sem ekki geta lært þetta ættu ekki að verða dómarar.“

Hvor ætli hafa sagt þetta, Gunnar Smári eða Jón Steinar, vildarvinur Davíðs?

Þú gætir haft áhuga á þessum

Jón Steinar sagði þetta. Hann er ekki síður gagnrýnin en Smári. Á síðum Moggans er „upphefð“ Smára og Sósíalistaflokksins nokkur og greinilega. Úr Staksteinaflokknum og í  leiðaralufsuna.

Svo vel þekki ég Gunnar Smára að ég veit að hann hefur gaman af skrifunum og „upphefðinni“.

Ein spurning til viðbótar. Hvor sagði þetta GSE eða JSG?

„…siðferði þeirra sem skipa sjálfum sér í þann dómstól hefur brostið fremur en margra annarra.“ Svarið er JSG.

Gagnrýni JSG er ekki siður hörð en Smára. Hafa innmúraðir og innvígðir einir heimild til að gagnrýna Hæstarétt og skipan dómara við réttinn? Nei.


Auglýsing

Tengdar fréttir sem þú gætir haft áhuga á að lesa: