Jóhann Þorvarðarson:
Með sinubruna í farteskinu þá telur Eyþór sig orðinn fullnuma í fræðunum og reynir því að gefa Reykjavík góð ráð um hvernig skilvirkast sé að glutra hlutum niður. Takk, en nei takk Eyþór!
Ég hélt að við værum laus við óhróður Eyþórs Arnalds í garð Reykjavíkur, en því miður þá gaf hann kost á nýju viðtali hjá Moggasteypunni. Þar er hann sjálfur hluthafi eftir óútskýrða snúninga með Samherjafurstanum.
Viðtalið er veitt í skugga slæmra tíðinda um að sveitarfélagið Árborg stefni í greiðsluþrot að óbreyttu. Í þessu sambandi er vert að hafa í huga að sami Eyþór var oddviti Sjálfstæðismanna í Árborg til margra ára og lagði þar langtímalínurnar. Þetta er svo sem ekki fyrsta sviðna jörð Eyþórs eins og dæmin um gjaldþrot Oz og járnvinnslunnar á Grundartanga bera landsfrægan vott um. Með sinubruna í farteskinu þá telur Eyþór sig orðinn fullnuma í fræðunum og reynir því að gefa Reykjavík góð ráð um hvernig skilvirkast sé að glutra hlutum niður. Takk, en nei takk Eyþór! Ég myndi þó gjarnan vilja sjá hann spila á sviði með Todmobile. Þar er hann á heimavelli.