- Advertisement -

Fellur Reykjavíkurborg með Einari Þorsteinssyni?

Jóhann Þorvarðarsson skrifar:

Kjósendur í borginni þurfa að athuga að Einar Þorsteinsson er úlfur í sauðargæru núna þegar hann þykist ekki vera í Sjálfstæðisflokknum.

Sjálfstæðisflokkurinn mun bjóða fram í borginni í vor undir þremur merkjum. Aukahjólin eru klofningurinn Viðreisn og bændaflokkurinn Framsókn. Bændaflokkurinn sótti fyrrum formann ungliðahreyfingar Sjálfstæðisflokksins í Kópavogi, Einars Þorsteinsson, til að leiða framboð sitt í Reykjavík. Svo fátæklegt er mannval Framsóknarflokksins að sækja þarf hjálp langt til hægri. Þannig að það eru allar líkur á að Sjálfstæðisflokkurinn komist til valda í borginni hugsi borgarbúar sig ekki vel um. Hefst þá einkavæðing skólakerfisins og gjaldtaka bifreiðareigenda við hver gatnamót.

Í störfum sínum fyrir Kastljósið þá hefur Einar Þorsteinsson ekki getað leynt undirgefni sinni gagnvart Sjálfstæðisflokknum. Of áberandi var bugt hans gagnvart flokknum í tveimur Kastljósviðtölum til að efast megi um að hann er ákafur öfgakapítalisti. Annað viðtalið var við Samherja ráðherrann, Kristján Þór Júlíusson, og hitt við dómsmálaráðherra, Jón Gunnarsson. Í bæði skiptin þá tóku ráðherrarnir dagskrárvaldið af Einari. Nenntu ekki að svara áríðandi og óþægilegum spurningum og voru viðbrögð Einars fullkomin undirgefni. Efnislega þá brást Einar við með eftirfarandi orðum „Ok, tölum þá um eitthvað annað“. Þetta er skjalfest fyrir þá sem vilja horfa á Kastljósþættina.

Síðan muna borgarbúar vel eftir því þegar Einar Þorsteinsson réðst að einum frambjóðanda fyrir borgarstjórnarkosningarnar fyrir fjórum árum með ósæmilegum hætti. Sá var til vinstri í sínum skoðunum og misnotaði Einar launaða aðstöðu sína til að hygla Sjálfstæðisflokknum um leið. Kjósendur í borginni þurfa að athuga að Einar Þorsteinsson er úlfur í sauðargæru núna þegar hann þykist ekki vera í Sjálfstæðisflokknum.


Tengdar fréttir sem þú gætir haft áhuga á að lesa: