- Advertisement -

Fólska Guðlaugs Þórs og Sigurðar Inga

Afleiðingin er hærra innlent verðlag og minni samkeppnishæfni landsins.

Jóhann Þorvarðarson skrifar:

Athyglisverð er frásögn Ólafs Stephensen um að nýr fríverslunarsamningur Íslands og Bretlands standi í vegi frjálsra viðskipta. Allt vegna sérhagsmunagæslu Framsóknarflokksins. Búið er að reisa svo háa tollamúra á innflutt mjólkur- og undanrennuduft að innlendir matvælaframleiðendur eru þvingaðir í einokunarviðskipti við Mjólkursamsöluna og Kaupfélag Skagfirðinga sem rukka tryllt verð. Afleiðingin er hærra innlent verðlag og minni samkeppnishæfni landsins. Hvoru tveggja sem er slæmt fyrir heimilin og útflutninginn.

Að sögn Ólafs þá hafnaði Guðlaugur Þór vænlegu tilboði við gerð fríverslunarsamningsins. Íslendingum stóð til boða tollfrjáls viðskipti á duftinu samhliða auknum heimildum til tollfrjálsra viðskipta með matvæli. Slíkt hefði fært íslenskum heimilum bættan hag í gegnum aukna samkeppni og fjölbreyttara vöruframboð. Aukreitis, þá hefði umræddum fyrirtækjum hlotnast sóknarfæri til að stækka eigið markaðssvæði. Eða með öðrum orðum að minnka eigin áhættu og bæta samkeppnisgetuna. Sá ráðahagur hefði að öllu jöfnu skapað aukna atvinnu í byggðum landsins. Sjálfstæðisflokkurinn valdi helsið, aukið atvinnuleysi.

Þú gætir haft áhuga á þessum

Auglýsing

Tengdar fréttir sem þú gætir haft áhuga á að lesa: