Jóhann Þorvarðarson:
Næsta verður stórtogurum hleypt inn á hrygningarslóð landgrunnsins að beiðni Sjálfstæðisflokksins og strandveiðar lagðar í rúst. Já, pólitík Vinstri grænna er sviksöm.
Í kvöldfréttum RÚV í gærkvöld þá sagðist forsætisráðherra bera fullt traust til Ríkissáttasemjara þrátt fyrir að hann sé búinn að setja kjaraviðræður á hliðina. Og þrátt fyrir að öll launþegahreyfingin sé búin að lýsa frati á vinnubrögð hans. Dómgreind hans þykir ábótavant, tiltrúin farin og traust gufað upp.
Þetta er svo sem ekki í fyrsta sinn sem Katrín Jakobsdóttir hallar sér upp að valdinu. Það gerði hún til dæmis þegar valtað var yfir úrskurð nefndar um umhverfis og auðlindamál. Þá opnaði Katrín Jak á hraðleið og valtað var yfir umhverfismat. Sjálfstæðisflokkurinn vildi nefnilega, með Kristján Þór Júlíusson í fararbroddi, hleypa laxeldissóðum inn í firði landsins þar sem vanskapaðir og sýktir laxar eru aldir. Skilur starfsemin nú eftir sig hvíta bakteríulagða fjarðarbotna. Katrín hefur gert það sama í Namibíumálinu svo annað dæmi sé nefnt. Næsta verður stórtogurum hleypt inn á hrygningarslóð landgrunnsins að beiðni Sjálfstæðisflokksins og strandveiðar lagðar í rúst. Já, pólitík Vinstri grænna er sviksöm.