- Advertisement -

Frekasti maður Íslandssögunnar

Hann stjórnar færibandinu sem gengur beint frá ríkissjóði. Þaðan skóflar hann út almannafé til fallandi fyrirtækja í ferðaþjónustu.

Jóhann Þorvarðarson skrifar:

Framvörður ferðaþjónustunnar ásamt sægreifum landsins er sá allra frekasti. Aldrei ánægður, ekkert er nógu mikið og nægilega gott. Hann gefur meira að segja eurovisionlögunum lélegar einkunnir. Hann stjórnar færibandinu sem gengur beint frá ríkissjóði. Þaðan skóflar hann út almannafé til fallandi fyrirtækja í ferðaþjónustu. En mikið vill meira og meira og enn meira. Jóhannes vill allt Ísland!

Svo frekur er hann að næsta krafa er að almenningur borgi uppihald ferðamanna sem hingað koma og flutningskostnað að auki. Já, og líka rándýran aðgangseyri að Bláa lóninu. Við eigum síðan að leysa ferðalangana út með fjárgjöfum við brottför eftir að hafa borgað kostnað fyrir veirusýnatöku við lendingu í Keflavík. Fimmtán þúsund krónur sýnatökugjald ríður nefnilega alveg baggamuninn hjá efnuðum ferðamönnum sem Grímur litli hjá Bláa Lóninu segir að séu á leiðinni. Allt þetta fjármögnum við síðan með því að leggja niður Landspítalann, skólakerfið og almannavarnir. Við höldum þó áfram að leggja vegi svo hægt verði að flytja ferðamennina áfram endurgjaldslaust um landið. Ekkert mál fyri Jón Pál!

Þú gætir haft áhuga á þessum

Auglýsing

Tengdar fréttir sem þú gætir haft áhuga á að lesa: