Jóhann Þorvarðarson:
Önnur fyrirtæki, sem rekin voru með hagnaði, fengu einnig sinn skerf. Þar má til dæmis nefna Toyota á Íslandi, sem borgaði út arð til hluthafa á sama tíma og fyrirtækið þáði ríkisgjafir.
Í heimsfaraldrinum kom vel í ljós hver er frekastur allra Íslendinga: Jóhannes Þór Skúlason. Var yfirgangur hans svo mikill að ég hikaði ekki við að kalla hann frekasta mann Íslandssögunnar hér á Miðjunni.
Hann frekjaðist út í eitt og fékk að moka almannafé ótæpilega út úr ríkissjóði til fyrirtækja í ferðaþjónustu. Stöndug fyrirtæki eins og Bláa lónið naut góðs af tilburðum frekjustaursins. Önnur fyrirtæki, sem rekin voru með hagnaði, fengu einnig sinn skerf. Þar má til dæmis nefna Toyota á Íslandi, sem borgaði út arð til hluthafa á sama tíma og fyrirtækið þáði ríkisgjafir. Frekjan krafðist þess líka að landamærin yrðu höfð opin í miðjum kóvít-19 faraldrinum. Honum var skítsama um heilsu landans.
Nú hefur kröfuharka frekjustaursins náð nýjum toppi. Hann heimtar núna að stjórnvöld, og þá alveg sérstaklega Vegagerðin, komi taumhaldi á íslenskan vetrarham. Ef það tekst ekki þá skal öllum snjó á vegslóðum landsins rutt í burt hið snarasta svo ferðamenn geti fest sig innan skamms í fannfergi. Sem betur fer þá hefur þjóðin séð í gegnum Jóhannes Þór og hjálparsveitir ætla ekki að láta ginna sig út í þessa vitleysu.