Jóhann Þorvarðarson:
Telji Kjartan að verðbólga framtíðarinnar verði óhófleg þá ætti hann að snúa sér að flokksbróður sínum, Bjarna Ben fjármálaráðherra. Hann er ábyrgur fyrir efnahagslegri óstjórn landsins, en ekki meirihlutinn í Reykjavík.
Fyrir stuttu þá fór Sjálfstæðisflokkurinn í borgarstjórn af hjörunum í mislukkaðri tilraun til að telja borgarbúum trú um að fjárhagur borgarinnar væri ósandi rúst. Skáldleg tilþrif voru sýnd, en borgarbúar sáu í gegnum fúskið.
Óreiðumaðurinn Kjartan Magnússon hafði sig mikið í frammi og er hvergi nærri hættur. Síðastliðinn fimmtudag birtist nefnilega grein í höfuðgagni pólitískra stórskálda, Morgunblaðinu. Þar segir hann orðrétt í tengslum við nýtekin verðtryggð lán borgarinnar „Í skuldabréfaútboðinu tók borgin tilboðum í verðtryggðum flokki á ávöxtunarkröfunni 3,9 prósent. Í öðrum verðtryggðum flokki var tilboðum tekið á ávöxtunarkröfunni 3,35 prósent. Þegar verðbólga er 9,5 prósent verður ekki horft fram hjá því að Reykjavíkurborg er nú að fjármagna sig á um 13 vöxtum“.
Hér flónskar Kjartan sig með eftirtektarverðum en samt ekki óvæntum hætti. Ríkjandi 9,5 prósent verðbólga endurspeglar verðbreytingar síðastliðna tólf mánuði, en ekki hvers má vænta á næstu 12 mánuðum. Telji Kjartan að verðbólga framtíðarinnar verði óhófleg þá ætti hann að snúa sér að flokksbróður sínum, Bjarna Ben fjármálaráðherra. Hann er ábyrgur fyrir efnahagslegri óstjórn landsins, en ekki meirihlutinn í Reykjavík.