Jóhann Þorvarðarson skrifar:
Gabríel hefur augljóslega ekki tíma til að spyrja að leikslokum heldur finnur þörf hjá sér að drullumalla yfir páskahelgina.
Gabríel Benjamín fyrrverandi starfsmaður Eflingar hefur haft hátt og látið ýmis orð falla varðandi Eflingu. Margt er ómálefnalegt, en nú keyrir um þverbak. Segir hann að hæfnikröfur sem settar eru fram í auglýsingum um laus störf hjá Eflingu endurspegli að verið sé að reka erlenda starfsfólkið af skrifstofu Eflingar.
Nú er búið að auglýsa 17 störf hjá Eflingu þegar þessi orð eru rituð og ákvað ég því að skoða hæfnikröfurnar vegna orða Gabríels Benjamíns. Í þeim tilvikum þar sem gerðar eru kröfur um tungumálakunnáttu segir orðrétt „ Góð færni í töluðu og rituðu máli á íslensku og ensku. Önnur tungumálakunnátta kostur“.
Svo er það hitt að enn á eftir að auglýsa ýmis störf því auglýsa á 40 störf samtals þegar upp er staðið miðað við framkomnar upplýsingar. Gabríel hefur augljóslega ekki tíma til að spyrja að leikslokum heldur finnur þörf hjá sér að drullumalla yfir páskahelgina. Ég vona að páskaeggið hans verði nú samt lystugt.