Mogginn birtir merka frétt í dag. Forsætisráðherrann okkar er einungis í sautjánda sæti yfir launahæstu þjóðarleiðtoga veraldar. Við verðum að gera betur. Katrín er ekkki eina konan á topplistunum. Þar eru þrjár aðrar.
Þó unnt sé að gera betur er víst að margur Íslendingur sé stoltur af stöðu Katrínar.
Í Mogganum segir til dæmis þetta: „Athyglisvert er að samkvæmt úttekt USA Today er Katrín með ögn lægri laun en bæði Lars Løkke Rasmussen, forsætisráðherra Danmerkur og Stefan Löfven, forsætisráðherra Svíþjóðar, sem sitja í 15. og 16. sæti listans. Lars Løkke er sagður vera með 249.774 Bandaríkjadali á ári í laun og Löfven, sem blaðið bendir á að hafi verið logsuðumaður á árum áður, var með 244.615 Bandaríkjadali á síðasta ári.“