- Advertisement -

Glundroði Kjartans Magnússonar

Jóhann Þorvarðarson skrifar:

Kjartan ákvað því að grípa til Donalds Trumps aðferðarinnar, dreifa ósannindum úr ræðustól Alþingis. Reyna að skapa glundroða og óreiðu að hætti Trumps. Rugla í kjósendum.

Kjartan fullyrti nefnilega að fjárhagsstaða Reykjavíkurborgar væri slæm. Þetta er nú bara eitt allsherjar bull hjá manninum og er endurómur af ruglboðskap Eyþórs Arnalds.

Kjartan Magnússon, fallisti Sjálfstæðisflokksins í borgarmálum, hélt í gær sína fyrstu ræðu á Alþingi þegar honum var, sem varaþingmanni, hleypt í ræðustól Alþingis. Já, og meðan ég man þá er hann jafnframt  aðstoðarmaður Eyþórs Arnalds oddvita flokksins í borgarmálum. Mannsins, sem hefur gefist upp á pólitík tvímenninganna og er að hætta í stjórnmálum.

Það var ekki við neinu að búast af Kjartani þegar hann steig í ræðustólinn og olli hann engum vonbrigðum. Alveg eins og annar pólitískur fallisti, Sigríður Andersen, þá getur Kjartan ekki aðlagast þeirri hugsun að hann er fyrrverandi þetta og fyrrverandi hitt í Sjálfstæðisflokknum. Bæði eru stjórnmálamenn gærdagsins, þeim var hafnað. Klúðruðu eigin stjórnmálaferli hjálparlaust. Kjartan ákvað því að grípa til Donalds Trumps aðferðarinnar, dreifa ósannindum úr ræðustól Alþingis. Reyna að skapa glundroða og óreiðu að hætti Trumps. Rugla í kjósendum.

Kjartani tókst að slá þvælumeistara Íslands út, Vigdísi Hauksdóttur, en hún náði að vera ósammála sjálfri sér í einu og sama sjónvarpsviðtalinu. Og er landsþekkt fyrir að nauðga íslenskum málsháttum í ræðustól Alþingis. Kjartan fullyrti nefnilega að fjárhagsstaða Reykjavíkurborgar væri slæm. Þetta er nú bara eitt allsherjar bull hjá manninum og er endurómur af ruglboðskap Eyþórs Arnalds frá því í byrjun desember síðastliðinn. Um þessa yfirgripsmiklu þvælu Kjartans og Eyþórs fjallaði ég um í þessari grein hér „Gapuxinn Eyþór Arnalds sér ekki til sólar“. Ég verð að segja að ég er ekki hissa enda báðir menn gærdagsins í stjórnmálum vegna ítrekaðra rangfærslna.

Það virðist loða við ætt Kjartans að stunda niðurrif og setja fram ósannindi. Bróðir Kjartans, Andrés Magnússon, er blaðamaður á Morgunblaðinu. Sá hikar ekki við að skrifa og birta hreinar lygar henti það honum samanber þessar greinar hér Andrés fann sér nýja vindmylluog Hatur Andrésar hatur Moggans.  


Tengdar fréttir sem þú gætir haft áhuga á að lesa: