- Advertisement -

Gott fyrir Alþingismenn að hugleiða þetta í dag

Jóhann Þorvarðarson skrifar:

Það eru ekki nema 0,000661 prósent líkur á því að Sjálfstæðisflokkurinn fengi 10 af 12 atkvæðum sem dúkkuðu upp í seinni talningu í Norðvestur kjördæmi.

Í dag þá mun þingheimur koma saman til að ræða kosningarsvindlið í Borgarnesi. Ákveðið verður í dag hvort Ísland er lýðræðisríki eða í flokki með Hvíta Rússlandi þar sem kosningasvindl er viðtekin venja. Í þessu sambandi þá ættu þingmenn að hafa eftirfarandi hugfast.

Það eru ekki nema 0,000661 prósent líkur á því að Sjálfstæðisflokkurinn fengi 10 af 12 atkvæðum sem dúkkuðu upp í seinni talningu í Norðvestur kjördæmi. Sem sagt enginn möguleiki. Síðan fundust öll atkvæðin í einum og sama bunkanum hjá Viðreisn. Bunka sem var fyrstur allra tekin upp til endurtalningar. Það er svo augljóst að átt var við kjörgögnin til að framleiða tiltekna niðurstöðu. Eina sem þurfti var blýantur, strokleður og aðgangur að óvörðum kjörgögnunum.

Inga Sæland hefur sagt að þetta hafi ekki haft áhrif á kosningarnar þó 5 þingmenn hafi dottið út af þingi við endurtalninguna og aðrir fimm komist inn. Inga er á alvarlegum villigötum og maður spyr sig hverjum og hverju er hún að þjóna með makalaust vitlausri afstöðu sinni?

Þú gætir haft áhuga á þessum

Tengdar fréttir sem þú gætir haft áhuga á að lesa: