Jóhann Þorvarðarson:
Hann birtist nefnilega nýverið í Kastljósi aðeins til að sýna eigin úreldingu, barrið er fallið og stökkir stönglarnir einir eftir. Alltaf jafn raunalegt þegar RÚV býður upp á jóladagskrá um mitt sumar.
Nýjar upplýsingar staðfesta að fyrirtæki á evrusvæðinu beri ábyrgð á allt að helming allrar verðbólgu síðan um mitt ár 2021. Álagning hefur gert meira en að bæta upp verðbólguna. Þanng hafa fyrirtækin í raun framleitt verðbólgu í nafni óábyrgrar hegðunar og græðgi. Raunhagnaður er meiri en hann var fyrir kóvít-19 á sama tíma og raunlaun eru undir þáverandi gildum. Uppi er umræða hvort samkeppniseftirlit svæðisins þurfi að grípa hér inn í.
Eitt land sker sig þó úr, en í Belgíu þar eru laun verðtryggð. Tengingin virkar sem ögunartæki á belgísk fyrirtæki, sem íhuga gaumgæfilega afleiðingar óábyrgrar hegðunar enda kemur hún í andlitið á þeim að vörmu spori. Þar í landi þá er samræmd verðbólga ekki nema 1,6 prósent.
Samskonar hegðun er að finna á Íslandi samkvæmt opinberum upplýsingum og útreikningum BHM. Það skýtur því skökku við þegar hann Þorsteinn Víglundsson er dreginn reglulega á flot bara til að halda uppi fölskum áróðri Samtaka atvinnulífsins um að það séu launþegar sem spenni bogann með launakröfum sínum. Er nú svo komið að þegar Þorsteinn birtist á skjánum að þá er hann eins og jólatré, sem gleymdist að hreinsa upp af götunni þó kominn sé júlí. Hann birtist nefnilega nýverið í Kastljósi aðeins til að sýna eigin úreldingu, barrið er fallið og stökkir stönglarnir einir eftir. Alltaf jafn raunalegt þegar RÚV býður upp á jóladagskrá um mitt sumar.
Greinin er birt aftur vegna óska þar um.