- Advertisement -

Halldór Benjamín yfirgefur sannleikann!

Af hverju Samtökin senda frá sér svona mikla þvælu er aðkallandi spurning?

Jóhann Þorvarðarson skrifar:

Stórskáldið Halldór Benjamín Þorbergsson framkvæmdastjóri Samtaka atvinnulífsins þykir gaman að snúa upp á opinberar tölur í áróðursskyni. Nýjasta núllið frá honum er grein í Fréttablaðinu 9. október.

Í greininni er sett fram bólgin fullyrðing um að opinberum starfsmönnum hafi fjölgað um 55% frá aldamótum. Fjölgunin á víst að vera mun meiri en hjá einkageiranum. Já einmitt, hugsaði ég verandi viss um að Halldór Benjamín var að fara með fleipur.

Þú gætir haft áhuga á þessum


Þetta endar með því að starfsmenn Samtaka atvinnulífsins flokkast sem opinberir starfsmenn.

Dregnar eru út tölur um Vinnumarkaðinn úr upplýsingakerfi Hagstofunnar sem titlaður eru „O-Q: opinber stjórnsýsla, fræðslustarfsemi, heilbrigðis- og félagsþjónusta“ og þuldar upp rangfærslur í bunum. Í umræddum bálki er ekki að finna hreinar tölur um fjölda starfa hjá hinu opinbera. Þarna má til dæmis finna starfsmenn Háskólans í Reykjavík og á Bifröst. Þarna má einnig sjá tölur yfir fjölda starfsmanna hjá Hjallastefnunni og annarra einkarekinna skóla eins og Versló. Þarna má líka finna dagmæður í einkarekstri og starfsmenn veitufyrirtækja sem ekki flokkast sem opinberir starfsmenn. Þarna má svo finna starfsfólk hjá einkafyrirtækjum sem starfa í heilbrigðisþjónustu. Svona gengur listinn áfram og áfram. Í huga stórskáldsins þá eru þetta allt opinberir starfsmenn jafnvel þó þeir vinni hjá meðlimum Samtaka atvinnulífsins!

Þetta endar með því að starfsmenn Samtaka atvinnulífsins flokkast sem opinberir starfsmenn samkvæmt flokkunarkerfi stórskáldsins. Úff, það þolir hann aldrei!

Af hverju Samtökin senda frá sér svona mikla þvælu er aðkallandi spurning? Eitt er þó vitað að Samtökin vilja ekki láta taka sig alvarlega. Eru þekkt fyrir að afvegaleiða umræðuna með útúrsnúningum og villandi framsetningu. Kröfur um vönduð vinnubrögð eru ekki fyrir hendi. Engu breytir þó Halldór Benjamín hafi aðgang að Ásdísi Kristjánsdóttur sem fer fyrir efnahagssviði Samtakanna. Hennar yfirlestur bætir ekkert enda gildir hér að tilgangurinn helgar meðalið!


Booking.com

Tengdar fréttir sem þú gætir haft áhuga á að lesa: