- Advertisement -

Hefndarþorsti Drífu Snædal

Jóhann Þorvarðarson:

Ég upplifi baráttu Eflingar sem réttláta og nauðsynlega því það er ómennska að geta horft upp á fátækt fólk ekki ná mánaðarlegum endum saman. Það er ógeðslegt.

Það er ömurðin ein að fylgjast með Drífu Snædal ráðast að Eflingu og saka félagið um skoðanakúgun og níðslu. Og hún notar auðvaldssnepilinn Morgunblaðið sem sinn vettvang til að koma árásum sínum á framfæri. Hún er augljóslega sjálf í miklu ójafnvægi eftir að hafa hrökklast með skömm úr stól forseta ASÍ þar sem henni brást bogalistin að leiða kjarabaráttu hina fátækustu. Á sama tíma þáði hún sjálf drjúg laun og góð kjör, sem hinir fátækustu tóku þátt í að borga henni.

Ég lærði það sem ungur að ef maður tapar fótboltaleik þá ræðst maður ekki á andstæðinginn og kennir honum um heldur óskar honum til hamingju með sigurinn og lítur síðan í eigin barm. Þetta kann Drífa ekki, hún er tapsár og úrill.

Hún þykist óttast voða mikið að verið sé að veikja verkalýðshreyfinguna þegar hún sjálf ber fulla ábyrgð á þeirri veikingu, ef hún er þá til staðar. Ég upplifi baráttu Eflingar sem réttláta og nauðsynlega því það er ómennska að geta horft upp á fátækt fólk ekki ná mánaðarlegum endum saman. Það er ógeðslegt.

Þú gætir haft áhuga á þessum

Það er hagkerfinu og fyrirtækjum landsins til góðs að fátæka fólkið geti lifað á inntekt fyrir dagvinnu. Aukinn jöfnuður eykur nefnilega sjálfbærni hagkerfisins og dregur þar með úr efnahagssveiflum, sem á rætur sínar í stefnu Sjálfstæðisflokksins. Í ósigri sínum og vangetu til að leiða baráttu þeirra fátækustu þá ætti Drífa að hugleiða hvernig þetta gat farið fram hjá henni. Og kannski hún útskýri það fyrir okkur hvernig hún gat horft upp á fátækt fólk emjandi á meðan hún fleytti rjómann af.


Tengdar fréttir sem þú gætir haft áhuga á að lesa: