- Advertisement -

Hjákátlegur flokkur

Jóhann Þorvarðarson skrifar:

Svo þetta með heræfingarnar, þá hafa þær vaxið ár frá ári eftir að Vinstri græn tóku yfir forsætisráðuneytið árið 2017. Og uppbyggingin mannvirkja þeim tengdum hefur aldrei verið meiri en einmitt í valdatíð Vinstri grænna.

Meðal stefnumála Vinstri grænna er að viðskiptaþvinganir valdi ekki þjáningu eða dauða saklausra borgara og að íslensk stjórnvöld hafni hernaðaríhlutun. Síðan segir að heræfingar eigi að vera óheimilar á Íslandi. Í ljósi líðandi atburða í Úkraínu og atgerða þeim tengdum þá er ljóst að stefnumál Vinstri grænna er óbrúklegt. Því er aftur á móti ætlað að blekkja vissa kjósendur til fylgilags við hreyfinguna frekar en að verða framfylgt þegar á reynir.

Öllum er ljóst að tafastjórnmál Vinstri grænna duga ekki á ómenni eins og Pútín og félaga. Þá er bara tvennt eftir í stöðunni. Hið fyrra er að beita viðskiptaþvingunum og hernaðaríhlutun með beinum og óbeinum hætti. Seinni kosturinn er að horfa upp á Rússa murka lífið úr nágrannaþjóðum, sem ekki hlíða valdboði Rússa. Viðskiptaþvinganir, eðli málsins samkvæmt, er ætlað að valda tjóni og harmi og þá eru saklausir borgarar ekki undanskildir. Annars virka aðgerðirnar ekki. Og þeim er ætlað að hvetja almenna borgara til uppreisnar gegn einræðisöflum í Rússlandi því þar liggur ábyrgðin á ömurðinni.

Svo þetta með heræfingarnar, þá hafa þær vaxið ár frá ári eftir að Vinstri græn tóku yfir forsætisráðuneytið árið 2017. Og uppbyggingin mannvirkja þeim tengdum hefur aldrei verið meiri en einmitt í valdatíð Vinstri grænna.


Tengdar fréttir sem þú gætir haft áhuga á að lesa: