- Advertisement -

Hjálmar og Dagur gera vel við sig!

Þessu er öðruvísi farið hjá öðrum íbúum hverfisins.

Jóhann Þorvarðarson skrifar:

Fyrir fáeinum misserum voru þrjú  bílastæði fjarlægð á Baldursgötunni. Þetta var alveg passlegt svo enginn bíll legði nú beint fyrir framan innganginn að húsi Samfylkingarmannsins og borgaráðsfulltrúans Hjálmars Sveinssonar. Á dögunum var svo gengið endanlega frá gangstéttinni fyrir framan slotið hans Hjálmars. Búið að leggja rauðdregils líki hjá fyrirmenninu svo það geti arkað beygjulaust út á Óðinsgötu og yfir á Skólavörðustíg. Huggulegheitin má sjá á tveimur ljósmyndum sem fylgja þessari grein. Það er munur að geta veitt sjálfum sér svona „par excellence“ fyrirgreiðlu hjá borginni. Samhliða öllu þessu þá voru lagðar nýjar lagnir í það minnsta að lóð Hjálmars ef ekki alla leið inn í hús. Er ekki alveg viss enda bý ég ekki í hverfinu.

Þú gætir haft áhuga á þessum

Þessu er öðruvísi farið hjá öðrum íbúum hverfisins. Þar parkera bílar í næsta lausa stæði og skiptir engu hvort það er beint fyrir framan inngang eða ekki. En það er þó einn annar íbúi heldur nær Skólavörðustígnum sem er í sérflokki eins og Hjálmar. Sá er aldeilis að fá huggulegt í kringum sig. Það styttist nefnilega í að rándýrar framkvæmdir við einbýlishús borgarstjórans Dag B. Eggertssonar klárist. Já, það er víst betra að vera í Samfylkingunni ef þú vilt búa í Miðbænum! Þá færðu sko fyrirgreiðslu af dýrari gerðinni og allt eftir þínu höfði!   


Booking.com

Tengdar fréttir sem þú gætir haft áhuga á að lesa: