- Advertisement -

„150 milljónir á hvern haus“

Landsréttur er andvana fæddur og nauðsynlegt að leggja hann niður.

Jóhann Þorvarðarson skrifar:

Í nýlegu viðtali við Markús Sigurbjörnsson, Hæstaréttardómara til 25 ára, kom fram að með tilkomu Landsréttar þá sé starf hæstaréttardómara einungis 25 prósent starf. Þá spyr maður sig hvað dómararnir eru að gera daglangt fyrir uppsprengd laun og hlunnindi sem almenningur borgar?

Samkvæmt gildandi fjárlögum þá eru útgjöld tengd réttinum tæplega 500 milljónir og þar við bætist fjárbinding upp á 1,6 milljarða króna í húsnæði, varlega áætlað. Hjá réttinum starfa einungis 14 manns og er kostnaðurinn því 150 milljónir á hvern haus.

Þú gætir haft áhuga á þessum

Sagðar hafa verið trúverðugar frásagnir að hausarnir upp í Hæstarétti hafi ekki alltaf verið allsgáðir í vinnunni. Vitni hafa séð dómara sofa skulum við segja fram á dómarastúkuna í málflutningi. Ég er ansi hræddur um að iðjuleysið daginn út og daginn inn geti reynst sumum dómurum erfitt, sérstaklega þeim sem eru ekki langir í annan endann.

Landsréttur er andvana fæddur og nauðsynlegt að leggja hann niður. Endurskipuleggja verður æðsta dómstigið, losa um almannafé og setja í annað en sukk. Hjúkrunarfræðingar þurfa betri laun og þarna er fundið fé!


Auglýsing

Tengdar fréttir sem þú gætir haft áhuga á að lesa: