- Advertisement -

Hlandbrunninn humar á Fréttablaðinu

Skemmtanagildið af svona skuggastjórnendum manns eigin huga er ómetanlegt. Takk fyrir þessa ómissandi karla!

Jóhann Þorvarðarson skrifar:

Svo virðist sem Hörður Ægisson leigupenni á Fréttablaðinu glími við sólsting miðað við kengrugluð pistlaskrif dagsins. Heilsu hans vegna þá þarf að koma manninum á skuggsælan stað og setja kalt vatn á ennið. Á mynd með pistli dagsins má auðveldlega sjá að leigupenninn er eins og hlandbrunninn humar í framan. Það gæti staðfest of mikið sólbað. Skrif dagsins eru hreint óráð, vanstillt, og heimskuleg. Hann óskar sér þess að tekið verði upp Sovéskt kerfi þar sem skoðana- og tjáningarfrelsi verður helsinu að bráð. Í óráðinu þá finnst leigupennanum alveg ómögulegt að launþegar sem eiga lífeyrissjóðina og forystufólk þess hafi skoðanir á fjárfestingum lífeyrissjóða. Það er alveg bannað! Og það má alls ekki tjá þessar skoðanir nema eftir forskrift frá yfirtrúðnum honum Halldóri Benjamín Þorbergssyni og Ásgeir Jónssyni í Seðlabankanum.

Hjá Seðlabanka Íslands er rekin rándýr eftirlitsdeild með skoðunum og tjáningu forsvarsmanna launþega. Svona njósnadeild að hætti gamla KGB. Ef forkólfar launþega voga sér að hafa skoðun á málefnum lífeyrissjóða þá skal sú skoðun, ef endilega þarf að setja hana fram, sögð með þóknanlegum hætti og samkvæmt sérstökum tjáningarstaðli sem Ásgeir hefur hannað með blessun frá yfirtrúðnum og leigupennanum. Betra þykir þó að bera þessa skoðun í hljóði og vera ögn boginn í bakið og áberandi lúpulegur í fasi.  Það er eitthvað svo krúttlegt að eiga þessa þrjá karla að þegar maður sjálfur mótar eigin viðhorf. Skemmtanagildið af svona skuggastjórnendum manns eigin huga er ómetanlegt. Takk fyrir þessa ómissandi karla!

Þú gætir haft áhuga á þessum

Tengdar fréttir sem þú gætir haft áhuga á að lesa: