Jóhann Þorvarðarson:
Þetta er bull eins og annar hræðsluáróður, sem heyrist frá barlómakór Samtaka atvinnulífsins. Fortíðin sýnir að ætíð þegar úfinn hræðslustaurinn hefur upp rödd sína að þá er á ferðinni örvænting um að hann nái ekki sínu fram.
Vandinn sem við er að etja er ekki að Efling sé með óraunhæfar kröfur heldur hitt að Vilhjálmur Birgisson og aðrir oddvitar hjá Starfsgreinasambandinu sömdu af sér og það gleður hræðslustaurinn einlæglega.
Þá er hræðsluforritið hans Halldórs Benjamíns Þorbergssonar komið í gang enn eina ferðina. Barlómur hans var hávær í aðdraganda Lífskjarasamninga árið 2019 og svo þegar kóvít-19 kom árið 2020 þá spáði hann ragnarökum. Efnahagslífið átti víst að dragast saman um 18 prósent þegar raunin varð aðeins 5-6 prósent samdráttur. Eftir að hafa fengið síðan að ræsa sjálfvirkt færiband beint inn í ríkissjóð, þar sem almannafé var mokað út til bestu vina hræðslustaurs, þá hótaði hann uppsögn Lífskjarasamninga um haustið nema hann fengi enn meira almannafé.
Ríkisstjórn Katrínar Jak guggnaði eftir þriggja daga fundahöld við Tjörnina og tryggingargjaldið var lækkað tímabundið. Þannig var bæði grafið undan atvinnuleysistryggingasjóði landsins (hluti velferðarkerfisins) og Halldóri Benjamín veitt verðlaun fyrir hótunina.
Best fer á því að hræðslustaur drífi sig aftur til fjalla enda jólin afstaðin.
Nýjasta útspil hræðslustaurs er að ef samið verður við Eflingu á öðrum nótum en við Starfsgreinasambandið að þá sé það ekkert minna en voveifleg tíðindi. Þetta er bull eins og annar hræðsluáróður, sem heyrist frá barlómakór Samtaka atvinnulífsins. Fortíðin sýnir að ætíð þegar úfinn hræðslustaurinn hefur upp rödd sína að þá er á ferðinni örvænting um að hann nái ekki sínu fram. Honum tókst að vefja Katrínu um fingur sér hér um árið, en honum verður ekki kápan úr hræðsluklæðinu að þessu sinni því kröfur Eflingar eru sanngjarnar og réttmætar. Það er einfaldlega ekki hægt að setja alla launþega undir einn pípuhatt því aðstæður þeirra eru ýmiskonar. Ef ekki verður litið til þessa atriðis þá fá fyrirtækin verkföll á sig.
Vandinn sem við er að etja er ekki að Efling sé með óraunhæfar kröfur heldur hitt að Vilhjálmur Birgisson og aðrir oddvitar hjá Starfsgreinasambandinu sömdu af sér og það gleður hræðslustaurinn einlæglega. Og þá gleði vill hann ekki missa frá sér og grípur hann því til gamalkunnugs ósóma að vilja hræða fólk. Best fer á því að hræðslustaur drífi sig aftur til fjalla enda jólin afstaðin.