- Advertisement -

Hræsnarasamtök atvinnulífsins: Jafnaðarlaun 1,5 milljónir króna!

Halldór Benjamín sjálfur með sirka 3,2 milljónir á mánuði.

Jóhann Þorvarðarson skrifar:

Halldór Benjamín er hræsnari af fínustu sort. Krefur fátæklinga um að vera áfram fátæka svo hans líkir geti lifað áfram í lúxus. Hann getur alls ekki hugsað sér að fátækir nái endum saman og eigi til hnífs og skeiðar.

En hvernig er málum háttað á skrifstofu Samtaka atvinnulífsins (SA) sem Halldór Benjamín stjórnar. Þar er sko engin fátækur. Jafnaðarlaun árið 2018 voru samkvæmt ársreikningi samtakanna 1,5 milljónir króna á mánuði fyrir utan hlunnindi.  

Þú gætir haft áhuga á þessum

Samkvæmt upplýsingum sem ég hef innan úr SA þá er Halldór Benjamín sjálfur með sirka 3,2 milljónir á mánuði og Hannes G. Sigurðsson aðstoðar framkvæmdastjóri er í námunda við 2,2 milljónir. Ásdís Kristjánsdóttir forstöðumaður efnahagssviðs ku vera með í kringum 1,7 milljónir og svona rekur þetta sig áfram. En eins og sagði þá eru launin að jafnaði 1,5 milljónir króna hjá samtals 28 starfsmönnum. Samkvæmt sömu upplýsingum þá er engin starfsmaður þar á bæ með minna en 750.000 krónur á mánuði þegar allt er talið til. Já, fólkið sem hefur það að atvinnu að halda úti áróðri  um að sumir eigi að lifa við hungurlús deilir ekki kjörunum sem öðrum er ætlað að lifa af. Ég legg til að héðan í frá verði samtökin kölluð Hræsnarasamtök atvinnulífsins! 


Tengdar fréttir sem þú gætir haft áhuga á að lesa: