- Advertisement -

Hvað gerir Þórunn Sveinbjarnar?

Jóhann Þorvarðarson:

Kristrún Frostadóttir reyndi að spila inn á vandlætinguna án árangurs. Konur sem kjósendur hafa einfaldlega ekki áhuga á heilagleikanum.

Kjósendur hafa sýnt…

Endurkoma Þórunnar Sveinbjarnardóttur í stjórnmálin er svaðilför áhrifaleysis. Fylgi Samfylkingarinnar í ný afstöðnum og ólöglegum kosningum minnkaði um 4 prósentustig í Suðvestur kjördæmi. Eða um 33 prósent. Fyrir vikið fellur Guðmundur Andri Thorsson af þingi. Þórunn á að axla ábyrgð því eins og Guðmundur Andri sagði þá eru þetta fríkslegar tölur.

Kvennalistinn innan Samfylkingarinnar ofmetur stöðu sína. Kjósendur hafa sýnt um langt skeið og í gegnum margar kosningar að það er ekki eftirspurn eftir vandlætingunni sem listinn endurspeglar. Kristrún Frostadóttir reyndi að spila inn á vandlætinguna án árangurs. Konur sem kjósendur hafa einfaldlega ekki áhuga á heilagleikanum.

Þú gætir haft áhuga á þessum

Þórunn yrði maður meiri ef hún afþakkar þingsætið og hleypir Guðmundi Andra aftur að. Þá væri kannski von að fylkingin nái til baka vopnum sínum. Nei, ég held að Þórunn & Co sjái ekki samhengi hlutanna fyrr en Samfylkingin dettur út af þingi. Það gerðist næstum í kosningunum árið 2016 þegar önnur fenglítil þingkona var formaður. Sú situr enn við sinn keip og náði enn lakari árangri í Suðurkjördæmi. Meira að segja kílómetrakóngurinn fingralangi, Ásmundur Friðriksson, náði betri úrslitum en Oddný.

Sjálfsblekking Samfylkingarinnar er tilvistarvandamál. Eins og Albert Einstein sagði eitt sinn í gamni þá er síendurtekin afneitun á staðreyndum engum holl. Spúla þarf því dekkið og koma nýjum  veiðarfærum upp áður en lagt er í næstu ferð!


Auglýsing

Tengdar fréttir sem þú gætir haft áhuga á að lesa: