„Það liggur ekkert fyrir að jarðgöng til Vestmannaeyja kosti á annað hundrað milljarða. Það liggur ekki fyrir vegna þess að rannsóknir liggja ekki fyrir. Ég lagði fram þingsályktunartillögu í fyrra, og mun gera það aftur núna í haust, um að þessum rannsóknum verði fram haldið þannig að hægt sé að taka ákvörðun og það geti legið fyrir hvað þetta muni hugsanlega kosta. Að fullyrða að þetta kosti á annað hundrað milljarða er rangt. Það þarf fyrst að gera þessa rannsókn sem kostar bara brot af þessu, kostar í heildina rétt um 400 milljónir og fyrstu skrefin kosta innan við 100 milljónir,“ sagði Karl Gauti Hjaltason Miðflokki.
Eyjólfur Ármannsson innviðaráðherra svaraði Karli Gauti:
„Kostnaðaráætlun fyrir Vestmannaeyjagöng var unnin. Kostnaðaráætlun fyrir Vestmannaeyjagöng var á bilinu 125–200 milljarðar samkvæmt skýrslu sem var unnin fyrir nokkrum árum síðan,“ sagði ráðherrann.