- Advertisement -

Hvað sagði dómsmálaráðherra?

Jóhann Þorvarðarson:

„Afstaðan er athyglisverð í ljósi þess að Áslaug Arna er æðsti embættismaður almannaöryggis í landinu.“

Þegar ákveðið var 19. júlí að herða landamærareglur í sóttvarnarskyni og krefja komufarþega um smitleysisvottorð þá sagði dómsmálaráðherra að hún teldi ekki þörf á hertum reglum. Hún óttist áhrifin á ferðaþjónustuna. Sem sagt, sérhagsmunir umfram almannahagsmuni ráða afstöðu ráðherrans. Afstaðan er athyglisverð í ljósi þess að Áslaug Arna er æðsti embættismaður almannaöryggis í landinu. Og hún vekur einnig athygli þegar vitað er að ungdómurinn í landinu er óbólusettur og skólahald gæti því verið í uppnámi nú þegar fjórða bylgjan er hafin. Og afstaðan vekur líka athygli þegar hugsað er til viðkvæmra hópa í landinu. Og viðhorfið vekur síðan enn meiri athygli fyrir þá sök að upplýst hefur verið að að bóluefnin veita ekki nema 60 til 70 prósent vörn. Sum jafnvel bara 50 prósent vörn.

Sóttvarnarlæknir og formaður Farsóttarnefndar hafa oftlega upplýst í gegnum faraldurinn að það geti tekið 7-10 daga eftir smit að framkalla alvarleg einkenni. Í þessu samhengi þá sagði sóttvarnarlæknir á dögunum að hann vilji ekki bíða með aðgerðir því það gæti búið til marga flöskuhálsa á sjúkrahúsum landsins.

Þú gætir haft áhuga á þessum

Ef skólahald, hjúkrunarheimili og sjúkrahús raskast alvarlega þá er ljóst að áhrifin yrðu víðtæk á allt atvinnulíf, ekki bara ferðaþjónustuna. Á myndinni sem fylgir þá má sjá hvað smitum á Íslandi hefur fjölgað hratt í vikunni sem er að líða. Stökkbreyting verður 19. júlí eða sama dag og dómsmálaráðherra gaf út yfirlýsingu um að hún tæki sérhagsmuni fram yfir almannahagsmuni.


Tengdar fréttir sem þú gætir haft áhuga á að lesa: