- Advertisement -

Hvað segja Andrés og Mogginn núna?

Því var hvíslað að mér að búið sé að draga gluggatjöldin niður á skrifstofu ritstjóranna.

Jóhann Þorvarðarson skrifar:

Ég sagði ykkur frá því í þessari grein hér Hatur Andrésar hatur Moggans hve litlar kröfur eru gerðar á Mogganum um vandaðan fréttaflutning. Kerfislægt hatur blaðsins á Evrópusambandinu blindaði blaðamanninn Andrés Magnússon. Í greininni var sagt fullum fetum að sambandið væri ekki að standa sig í innkaupum á bóluefnum. Gengið var svo langt að ljúga upp á nafngreinda og heimsþekkta einstaklinga um að hafa krafist afsagnar Ursulu von der Leyen framkvæmdastjóra sambandsins. Nú berast þær fréttir að Ísland og önnur lönd eigi von á mun meira magni bóluefna á næstunni vegna viðbótarsamnings Evrópusambandsins við lyfjafyrirtækið Pfizer frá því fyrr í dag. Von er á allt að 300 milljón skömmtum til viðbótar því magni sem áður hafði verið samið um. Því var hvíslað að mér að búið sé að draga gluggatjöldin niður á skrifstofu ritstjóranna. Tíðindin þykja of góð.


Tengdar fréttir sem þú gætir haft áhuga á að lesa: