- Advertisement -

IceHot 1 bætir í lygavefinn

Jóhann Þorvarðarson skrifar:

Hegðun  fjármálaráðherra líkist æ meir röskun fyrrverandi forseta Bandaríkjanna, Donalds Trumps. Sá sýndi gjarnan kjósendum fingurinn með raðlygum.

Eins og ýmsar greinar mínar undanfarin misseri endurspegla þá á fjármálaráðherra landsins erfitt með að umgangast sannleikann. Í staðinn þá hannar hann ímyndaðan hliðarveruleika og dritar honum yfir landsmenn í tíma og ótíma. Hikar síðan ekki við að auglýsa ósannindin. Í aðdraganda kosninga þá fer skrökmálum ráðherrans ört fjölgandi. Fólk hefur auðvitað áhyggjur af hegðuninni og það með réttu. Spyr sig hvort hann sé fær um að gegna embætti eða þingmennsku. Of mikið er í húfi til að hægt sé horfa blindum augum á vanvirðingu hans fyrir opinberum staðreyndum.

Hegðun  fjármálaráðherra líkist æ meir röskun fyrrverandi forseta Bandaríkjanna, Donalds Trumps. Sá sýndi gjarnan kjósendum fingurinn með raðlygum. Svo slæmt var ástandið að fréttamiðillinn CNN var með sérstaka skrökvakt sem hélt utan um ósannsögli forsetans. Frægt er þegar Trump sagði að ekki hafi rignt við innsetningu í embættið þó regnhlífar hafi rokið á loft í miðri innsetningarræðunni. Síðan muna margir eftir yfirlýsingu hans um að hafa unnið kosningarnar gegn Joe Biden. Skrautleg er síðan afneitun forsetans þegar hann sagðist ekkert kannast við klámstjörnuna Stormy Daniels þrátt fyrir að hafa borgað henni þagnarmútur. Skrökvísin náði einnig yfir alvarlegri málefni eins og þegar forsetinn sagði ítrekað að kóvit-19 væri ekki vandamál.  

Aftur til Íslands og yfir til „icehot1“ eins og giftur fjármálaráðherrann kallaði sig á bandarísku stefnumótasíðunni „Ashley Madison“. Í nýlegu sjónvarpsviðtali þá sagði hann að það væri betra að vera með krónuna, sem sveiflast í öfugum takti við atvinnustigið, en sterkan gjaldmiðil eins og evruna. Því miður þá var spyrillinn ekki með á nótunum til að reka þetta ofan í formanninn ljúgandi. Þegar atvinnuleysi fór vaxandi fyrir og í veirufaraldrinum þá hrundi krónan og svo þegar atvinnuleysið fór minnkandi í kjölfar bólusetningar þá styrktist krónan. Sem sagt, jákvætt samband er milli atvinnustigs og gengi krónunnar þvert á fullyrðingar „icehot1“.

Þú gætir haft áhuga á þessum

Tengdar fréttir sem þú gætir haft áhuga á að lesa: