- Advertisement -

Innherjinn sem kemur beint úr stjórnstöð Vinstri grænna

Jóhann Þorvarðarson skrifar:

Græðgin bar hjónin ofurliði enda ljóst að hjónin vita vel deili á innherja upplýsingum. Nú verður athyglisvert að sjá hvort Anna Lísa haldi starfi sínu fyrir þingflokkinn og hvort að viðskiptin verði látin standa óhögguð.

Nýjasti spillingarpésinn kemur beint innan úr stjórnstöð Vinstri grænna því upplýst hefur verið að eiginmaður framkvæmdastjóra þingflokks VG er jafnframt framkvæmdastjóri hjá Íslandsbanka. Bankamaðurinn keypti í nýliðnu útboði Íslandsbanka og er staða hans einstök. Hann hafði bæði innherja upplýsingar innan úr bankanum og frá Alþingi (ríkisstjórn) í gegnum eiginkonuna, Önnu Lísu Björnsdóttur. Ótvírætt er að hjónin höfðu aðgang að verðmætum og óopinberum upplýsingum, sem þau hafa nú nýtt sér í auðgunarskyni.

Samkvæmt 121. gr. þágildandi laga númer 108/2002 um verðbréfaviðskipti  þá flokkast hjónin sem innherjar. Eiginmaðurinn sem fruminnherji og eiginkonan sem innherji. Nýju lögin, nr. 60/2021, um markaðssvik breyta ekki stöðu hjónanna heldur herða enn frekar á. Og starf Önnu Lísu fyrir VG breyta heldur ekki stöðu hennar því hjónatengslin duga hér til.      

Yfir vafa er hafið að Annað Lísa bjó yfir verðmætum upplýsingum um bankann…

Strax á fyrsta  degi markaðsviðskipta með hlutabréf í Íslandsbanka á síðasta ári þá keypti Anna Lísa Björnsdóttir bréf í bankanum. Þetta vekur ekki einungis upp spurningu um siðferðilegu hlið málsins heldur einnig hina lagalegu. Yfir vafa er hafið að Annað Lísa bjó yfir verðmætum upplýsingum um bankann, sem ekki voru opinberar, starfs síns vegna og starfs eiginmannsins. Túlka ber lögin strangt og allur vafi fellur gegn Önnu Lísu. Vegna innherjastöðu hjónanna þá ber að rifta viðskiptunum ellegar kæra hjónin á grundvelli umræddra laga.

Í skilningi laga um markaðssvik þá skiptir ekki máli hvort hjónin vissu eða vissu ekki að um innherja upplýsingar var að ræða. Hér dugar að viðkomandi „átti“ að vita að um innherja upplýsingar var að ræða. Lögin eru alveg skýr með þetta. Græðgin bar hjónin ofurliði enda ljóst að hjónin vita vel deili á innherja upplýsingum. Nú verður athyglisvert að sjá hvort Anna Lísa haldi starfi sínu fyrir þingflokkinn og hvort að viðskiptin verði látin standa óhögguð.


Tengdar fréttir sem þú gætir haft áhuga á að lesa: