Jóhann Þorvarðarson skrifar:
Í samhenginu þarf að ræða þær röngu ákvarðanir sem teknar hafa verið af Seðlabanka Íslands og Katrínu Jakobsdóttur. Fjalla þarf um mannvalið sem er á æðstu stöðum bankans.
Stöplaritið sem fylgir endurspeglar vel hvaða Norðurland er með lélegustu hagstjórnina. Ritið segir okkur að ríkisstjórnir Katrínar Jakobsdóttur hafi mistekist efnahagsstjórn landsins. Einnig segir myndin okkur að Seðlabanki Íslands sé lakastur seðlabanka á Norðurlöndum og skiptir hér engu þó víðar væri leitað meðal þróaðra landa. Heiður Seðlabanki Íslands er rauðglóandi fallsæti.
Árin 2020 og 2021 eru fyrstu tvö heilu árin sem Ásgeir Jónsson er seðlabankastjóri og fyrstu tvö árin þar sem Seðlabankinn og Fjármálaeftirlitið er sameinað undir stjórn Ásgeirs. Ráðstöfunin hefur mistekist og fellur ábyrgðin alfarið á Katrínu Jakobsdóttur forsætisráðherra enda heyrir bankinn undir hennar ráðuneyti. Hún hefur tekið ákvarðanir sem eru afar gagnrýnisverðar eins og stöplaritið endurspeglar.
Á því tveggja ára tímabili sem liðið er síðan kóvít-19 hóf heims yfirreiðina þá tókst Færeyingum að halda verðbólgunni í aðeins 3 prósentum yfir árabilið. Eða að jafnaði í 1,5 prósentum árlega. Á sama tíma er verðbólgan tæp 9 prósent á Íslandi eða um 4,5 prósent árlega. Danir eru á sömu slóðum og frændur okkar Færeyingar enda styðjast bæði löndin við danska krónu, sem aftur er bundin með rembihnút við evruna. Finnar eru einnig með eftirtektarverðan árangur enda tóku Finnar upp evruna fyrir lifandis löngu.
Ef eitthvað bit er í Alþingi þá verður ekki hjá því komist að ræða mikinn verðbólguvanda landsins í stað þess að lykilfólk sé að þvælast í útlöndum sér til skemmtunar á ögurtímum. Í samhenginu þarf að ræða þær röngu ákvarðanir sem teknar hafa verið af Seðlabanka Íslands og Katrínu Jakobsdóttur. Fjalla þarf um mannvalið sem er á æðstu stöðum bankans. Þar er peningstefnunefnd ekki undanskilin. Þrír af fimm nefndarmönnum eru æðstu stjórnendur bankans lögum samkvæmt: Ásgeir Jónsson, Rannveig Sigurðardóttir og lögmaðurinn Gunnar Jakobsson. Nefndarmenn númer fjögur og fimm eru skipaðir af forsætisráðherra, sem skipaði nöfnu sína Ólafsdóttur og Gylfa Zoëga. Myndin sínar glögglega að þessir aðilar ráða ekki við verkefnið, sem er að hafa taumhald á verðbólgunni.