Jóhann Þorvarðarson skrifar:
Jóhanna Vigdís braut öll þessi ákvæði í þættinum í gærkvöld og var framganga hennar skammarleg.
Fyrstu spurningu kosningasjónvarps RÚV í gærkvöldi var beint að formanni Sjálfstæðisflokksins. Hann fékk að fara með sín svör truflanalaust, en þegar koma að formönnum stjórnarandstöðunnar strax á eftir þá gjammaði Jóhanna Vigdís fram í. Truflaði flæðið og spurði eins og að hún væri sjálf í framboði fyrir Sjálfstæðisflokkinn „já ætli þið að hækka skatta, á að hækka skatta“. Það er á allra vitorði að Jóhanna Vigdís er innvígð og innmúruð í Sjálfstæðisflokkinn.
Stjórn RÚV hlýtur að taka framgöngu Jóhönnu Vigdísar til umfjöllunar því hlutdrægni hennar er brot á siðareglum Ríkisútvarpsins. Í þeim segir að stofnunin sé mikilvægasta lýðræðisstofnun þjóðarinnar sem hafi það markmið að tryggja lýðræðislega umræðu í almannaþágu. Einnig segir að forðast eigi hagsmunaárekstur og að starfsmenn eigi að kappkosta að ástunda fagleg vinnubrögð og sýna viðmælendum fyllstu kurteisi. Að lokum er tiltekið að starfsfólk RÚV eigi að gæta þess að hagsmunatengsl þess hafi ekki áhrif á störf þess. Jóhanna Vigdís braut öll þessi ákvæði í þættinum í gærkvöld og var framganga hennar skammarleg.