- Advertisement -

Jóhannes niðurrífari áfram í óstuði!

Niðurrífaranum þótti þetta ekkert spes.

Jóhann Þorvarðarson skrifar:

Jóhannes niðurrífari framvörður fyrirtækja í ferðaþjónustu er síókátur þrátt fyrir sólartíð í efnahag landsins. Hefur hann áunnið sér nafngiftina hjá gárungum fyrir dramatíska tjáningu um efnahagsmál. Svo langt gengur hann í villandi framsetningu að talað er um nýtt stórskáld.   

Í vetur sagðist hann sjá 25% samdrátt í komu ferðamanna og að Ísland væri að sigla inn í kreppu.

Þú gætir haft áhuga á þessum


Nei, þetta er ekki nógu dramatískt.

Hann sér ekkert annað en hræðilegar afleiðingar af falli WOW air, flugfélaginu sem allir eru búnir að gleyma! Svo vitleysast hann með íslensku krónuna og kvartar yfir sanngjörnum hækkunum lægstu launa. En niðurrífarinn er ekki einn á ferð. Hann á greiða leið á síður Fréttablaðsins sem birtir niðurrifið gagnrýnislaust.

Nú í byrjun ágúst komu nýjar tölur um fjölda ferðamanna og voru þær aftur frábærar. Fjöldi ferðamanna á fyrstu sjö mánuðum ársins fjölgaði um 21% miðað við sama tíma árið 2016. Þetta er 7% aukning á ári sem er tröllvaxið.

Niðurrífaranum þótti þetta ekkert spes. Talar um að fækkun ferðamanna sé 17% í júlí miðað við sama mánuð í fyrra. Hann minnist ekki á að fækkunin er aðeins 2% ef miðað er við júlí árið 2016. Nei, þetta er ekki nógu dramatískt. Þá gerir hann lítið úr að með falli WOW air þá hafi önnur flugfélög stigið inn og fært landinu efnameiri farþega sem dvelja lengur og eyða meira. Kortaeyðsla erlendra ferðamanna hefur sýnt tugprósenta vöxt. Þetta endurspeglast allt í þeirri staðreynd að fjöldi gistinótta hefur einnig vaxið mikið og samdrátturinn eftir fall Wow air telur mjög lítið.

Annars eru bara allir í stuði nema Jóhannes niðurrífari.

Hann nærist augljóslega á dramatískum uppákomum. Var örugglega í essinu sínu og spíkati til viðbótar þegar hann þurfti sem aðstoðarmaður Sigmundar Davíðs þáverandi forsætisráðherra að verjast Wintris málinu með fordæmalausri þvælu (sjá hér  https://www.ruv.is/ibrennidepli/wintris-malid).  


Booking.com

Tengdar fréttir sem þú gætir haft áhuga á að lesa: