- Advertisement -

Kópavogs hrollvekjan

Lygin og frávikin sérfræðiábyrgðin er hvoru tveggja skjalfest, sannreynanlegt.

Jóhann Þorvarðarson skrifar:

Davíð Þór Björgvinsson og Jóhannes Sigurðsson eru ekki einu dómarar Landsréttar sem fara ekki að lögum í starfi sínu. Með þeim í flokki eru lubbamennin Hervöru Þorvaldsdóttur og Aðalstein E Jónasson. Ég hef fjallað um framgöngu þeirra hér á Miðjunni. Má til dæmis vísa í þessa grein hér „Landsréttur drullumallar og ræðst á neytendur. Gerðust þau sjálf aðilar að dómsmálinu sem um ræðir í tilvísaðri grein. Voru komin í beinan málflutning með því að planta lygum í dóminn sem gagnaðilinn hafði ekki sjálfur haldið fram. Eitthvað datt ofan af himnum og inn í dóminn. Hervör og Aðalsteinn bættu um betur og viku reglunni um sérfræðiábyrgð til hliðar. Reglu sem er ófrávíkjanleg samkvæmt lögum um starfsemi fasteignasala. Á þessa reglu reyndi einmitt í málinu.

Þau komust upp með ósvinnuna því Hæstiréttur hafði ekki áhuga á að fjalla um málið sökum leti og náinna fjölskyldutengsla Hervarar við einn dómara Hæstaréttar. Þarna á milli er beint talsamband og rifjast nú upp orð Kára Sölmundarsonar í Njáls sögu „Ber er hver að baki nema sér bróður eigi“.

Þú gætir haft áhuga á þessum

Dómsmálaráðherra Sjálfstæðisflokksins…

Vanvirðing Hervarar og Aðalsteins E fyrir lögum á sér vart hliðstæðu hvað blygðunarleysi varðar. Þau voru ekkert að fela óheiðarleika sinn, komu bara nakin fram. Lygin og frávikin sérfræðiábyrgðin er hvoru tveggja skjalfest, sannreynanlegt. Bæði með hljóðupptökum af vitnaleiðslum í dómssal og í sjálfum dómnum. Mesti sérfræðingur landsins í skaðabótarétti skilaði sératkvæði í málinu. Atkvæði hans ber með sér að honum var gróflega misboðið hvernig meðdómendurnir umgengust dómsvaldið.

Háttsemi dómaranna er hreint hrollvekjandi. Aðilar sem bera þurfa mál sín undir dómstóla geta ekki gengið að því vísu að fá réttláta málsmeðferð fyrir hlutlausum dómstól ef einhver lagabrjótanna situr í dómarasæti. Það er alvarleg staða. Dómsmálaráðherra Sjálfstæðisflokksins hefur ekkert gert til að bæta ástandið enda fellur hún einkar vel að ríkjandi ómenningu. Er ekki ágætt að kjósa um þetta í haust, breyta ástandinu með nýjum valdhöfum? Allt sem þarf er vilji.


Tengdar fréttir sem þú gætir haft áhuga á að lesa: