Landspítali er kominn á hættustig vegna Covid-19.
Frá viðbragðsstjórn og farsóttanefnd Landspítala:
Landspítali hefur nú verið færður af óvissustigi á hættustig vegna faraldurs COVID-19. Viðbragðsáætlun Landspítala vegna farsótta hefur því verið virkjuð og funda viðbragðsstjórn og farsóttanefnd daglega.
Unnið er að undirbúningi að útfærslu þeirra tilmæla sem heilbrigðisráðherra gaf út í dag, 30. júlí 2020, en minnt er á þær reglur sem Landspítali setti í gær.