- Advertisement -

Langatöng sett hátt á loft

Jóhann Þorvarðarson skrifar:

Ég spái að  Willum Þór verði ekki farsæll í starfi um leið og ég auglýsi eftir erindi Vinstri grænna í íslenskum stjórnmálum.

Þegar Björn Zoëga hrökklaðist frá störfum sem forstjóri Landsspítalans þá var allt upp í loft meðal starfsmanna. Sjálfur heimtaði hann risalaun án þess að geta réttlætt það með auknum afköstum eða gáfum. Á sama tíma var almennum starfsmanni þrælað út og óánægjan allsráðandi. Mórallinn var sendur niður í kjallara og geymdur með myglunni. Björn þykir mjög leiðinlegur maður, óbilgjarn. Hann flutti þessa óánægjuna út til Svíþjóðar eftir mislukkað samstarf með Hannesi Smárasyni.

Björn er í litlum metum hjá hinum almenna starfsmanni Karólínska sjúkrahúsinu, en hann er vinsæll hjá Samtökum atvinnulífsins hér á landi. Nú hefur Willum Þór heilbrigðisráðherra ráðið þennan sama Björn sem sinn ráðgjafa samkvæmt Kjarnanum. Svona eins og að starf spítalastjóra í Svíþjóð sé ekki fullt starf. Hefst þar með innflutningur á óværunni sem við vorum laus við. Um leið skekkist þjónustujöfnuður landsins og krónan mun veikjast. Kvíðinn hjá yfirkeyrðum starfsmönnum Landsspítalans fer á lóðrétt flug og upp í gegnum gufuhvolfið. Ég er ansi hræddur um að sósan muni hlaupa í kekki hjá starfsmönnum spítalans um jólin um leið og einkavæðing spítalans hefst.

Allt er þetta með samþykki Vinstri grænna og gegn vilja landsmanna. Það var ekki án ástæðu sem Willum Þór var rekinn sem þjálfari frá KR, Val og Leikni á sínum tíma. Hann þótti nefnilega skorta dómgreind. Hann valtaði yfir leikmenn og var álitinn vera bölvuð trunta. Svo þykir Willum Þór vera jafn leiðinlegur og Björn Zoëga, ef ekki leiðinlegri enda sækir líkur líkan heim. Hvorugur hefur sést brosa í áraraðir. Aðalsmerki Willum Þórs  er þó að setja löngutöng á loft þegar færi gefst. Ég spái að  Willum Þór verði ekki farsæll í starfi um leið og ég auglýsi eftir erindi Vinstri grænna í íslenskum stjórnmálum.

Þú gætir haft áhuga á þessum

Tengdar fréttir sem þú gætir haft áhuga á að lesa: