Náttúrverndarsinninn og ráðherrann fyrrverandi Hjörleifur Guttormsson er greinilega ekki sáttur hvernig ríkisstjórnum hefur til tekist með stjórnun ferðamála. Þar hafalengst setið, á uppgangstíma ferðaþjónustunnar, þær Ragnheiður Elín Árnadóttir og Þórdís Kolbrún R. Gylfadóttir, báður úr Sjálfstæðisflokki. Hjörleifur hefur miklar áhyggjur af hvernig íslensk náttúra þolir stóraukið álag. Hann skrifar langa grein í Mogga dagsins.
Þar segir meðal annars: „Við súpum nú seyðið af langvarandi vanstjórn og reiðuleysi á sviði ferðamála, ekki síst varðandi brýna tekjuöflun til að lágmarka áhrif af ferðmannastraumnum á náttúrulegt umhverfi og bæta fyrir álag á vegakerfi landsins“
Hjörleifur er ekki í vafa um hvert aðdráttaraflið er. „Ekki er um það deilt að íslensk náttúra er aðalaðdráttaraflið sem lað- ar hingað erlenda ferðamenn. Með fjölgun þeirra vex álagið og er löngu komið á hættustig þar sem aðsóknin er mest. Lengi hefur andvaraleysi og vanræksla einkennt viðbrögð stjórnvalda og umráðaaðila lands á fjölsóttum ferðamannastöðum nánast um allt land.“