- Advertisement -

Lestu dóminn í máli Ingó Veðurguðs – Sigurður G lögmaður verulega ósáttur

Sigurður G. Guðjónsson lögmaður er ósáttur með dóminn í máli Ingólfs Þórarinssonar tónlistarmanns sem tapaði í gær í Héraðsdómi Reykjavíkur meiðyrðamáli sínu gegn Sindra Þór Sigríðarsyni.

Sigurður segir í færslu á Facebook:

„Dómari afnemur friðhelgi einkalífs og æruvernd í þágu byltingar.Héraðsdómari við Héraðsdóm Reykjavíkur afnam með dómi í gær í máli Ingólfs Þórarinssonar gegn Sindra Sigríðarsyni friðhelgi einkalífs og æruvernd í nafni byltingar. Það er ekki í fyrsta sinn sem hugmyndafræði um betri heim hefur verið talin mannréttindum æðri.

Boðskapur dómarans er sá, að í nafni tjáningarfrelsis sé sérhverjum frjálst að bera sakir á samborgara sína, troða þá niður í svaðið, hafa af þeim lífsviðurværi sitt, ef tjáandanum finnst hann vera að vinna að framgangi ríkjandi hugmyndafræði og telur sig vera að segja satt og rétt frá og getur stutt þá tilfinningu sína með framburði skoðana systkina.

Fyrirspurnum, eins og sú sem fylgir með færslu þessari og birtist á samfélagsmiðlum í haust hlýtur því að fjölga, enda virðist margir vera Sindrar Sigríðarsynir inn við beinið og sumir taldir hrein þjóðargersemi.“

Sýknudóminn í meiðyrðamáli Ingós getur þú lesið hér.


Tengdar fréttir sem þú gætir haft áhuga á að lesa: