- Advertisement -

Lilja Alfreðs taumliðug

Nýjasta launahækkun Lilju er rúmur þriðjungur launa láglaunakonunnar.

Jóhann Þorvarðarson skrifar:

Lilja Alfreðs ráðherra Framsóknar er þjónandi farþegi í ríkisstjórn Bjarna Ben. Hún er stolt að vera í liði með Sjálfstæðisflokknum og blái flokkurinn er sáttur með Lilju. Hún ku vera sérlega taumliðug.

Lilja styður fátækrastefnu bláflokksins. Á meðan fólk sveltur tekur Lilja ítrekað á móti tröllvöxnum kauphækkunum ofan á laun sem eru himinhá. Þetta stuðlar að auknum tekjuójöfnuði. Á myndinni að neðan má sjá nýjustu launahækkun Lilju borna saman við nýlega launahækkun kynsystur hennar samkvæmt Lífskjarasamningi. Forseti Íslands tók ábyrga afstöðu og afþakkaði  pent launahækkunina.

Á heimasíðu Framsóknarflokksins segir að flokkurinn sé félagshyggjuflokkur sem vinni að jöfnuði. Myndin að neðan gengur í þveröfuga átt við kosningaloforð Framsóknar.

Nýjasta launahækkun Lilju er rúmur þriðjungur launa láglaunakonunnar, sem sýnir að ríkisstjórnin er ekki í tengslum við raunveruleikann. Hún flýtur um á vindsæng með sólgleraugu í miðjum veirufaraldrinum!


Tengdar fréttir sem þú gætir haft áhuga á að lesa: