Jóhann Þorvarðarson:
Í hlaðvarpsþætti systranna segir að ofbeldisfólkið svari gjarnan fyrir sig „að ráðherra sé í málinu“ og á þá hrottinn því ekki að þurfa að óttast afleiðingar eigin níðingsverka.
Það er eitthvað keng bogið við valdið sem situr í Borgarnesi. Umgengnin um það þarfnast rannsóknar. Í síðustu Alþingiskosningum þá horfðum við upp á kosningasvindl þegar innmúraður og innvígður Sjálfstæðismaður, Ingi Tryggvason, komst upp með staðfest kosningasvindl. Svindlið hafði engar persónulegar afleiðingar fyrir mannkertið og sinnir hann áfram dómarastörfum.
Nú upplýsa systurnar þrjár í hlaðvarpinu „Lömbin þagna ekki“ að lögreglan aðhafist ekkert þrátt fyrir fjölmargar tilkynningar um eignaspjöll, sem studd eru sönnunargögnum: sjónarvottum og myndbandsupptökum. Í eitt skiptið þegar hringt var í lögregluna í Borgarnesi var brugðist við með hótun „um að best væri að kæra kvartarann fyrir að trufla lögregluna“ svo efnislega sé haft eftir systrunum.
Upplýsingarnar sem koma frá systrunum eru stórmerkilegar og varpa þær ljósi á að ekki er allt með felldu í Borgarnesinu þegar kemur að meðferð lögbundins valds. Vernd landsmanna gagnvart níðingum og öðru ofbeldisfólki virðist vera valkvætt atriði enda verður ekki annað séð en að landslög ná ekki yfir valda elítu landsins? Í hlaðvarpsþætti systranna segir að ofbeldisfólkið svari gjarnan fyrir sig „að ráðherra sé í málinu“ og á þá hrottinn því ekki að þurfa að óttast afleiðingar eigin níðingsverka. Hér eiga systurnar við Ásmund Einar Daðason mennta- og barnamálaráðherra, sem þær saka um innbrot og þjófnað á prókúru yfir bankareikning dánarbús fjölskyldunnar.