- Advertisement -

Meira um ómöguleikann

Jóhann Þorvarðarson skrifar:

Niðurstaða mín er að það eru einungis 0,000661 prósent líkur á að flokkurinn geti hafa fengið 10 atkvæði af þessum 12 sem settu þingmanna hringekjuna af stað. Sem sagt, stórkostleg ólíkindi eða engar líkur.

Í framhaldi af þessari grein „Tölfræðilegur ómöguleiki Inga Tryggvasonar“ þá velti ég þeirri spurningu fyrir mér hver líkindin eru að 10 atkvæði af 12, sem dúkkuðu upp í endurtalningunni í Norðvestur kjördæmi, féllu Sjálfstæðisflokknum í skaut? Í útreikningum mínum þá miða ég við úrslit Alþingiskosninga 25. september síðastliðinn og nota það sem reiknigrunn. Tek fram að í tilvísaðri  grein talaði ég um 9 af 12 atkvæðum, en raunin er víst 10 atkvæði af 12.

Niðurstaða mín er að það eru einungis 0,000661 prósent líkur á að flokkurinn geti hafa fengið 10 atkvæði af þessum 12 sem settu þingmanna hringekjuna af stað. Sem sagt, stórkostleg ólíkindi eða engar líkur.

Í mínum huga þá er það vafalaust að svindlað var í kosningunum. Að styðjast mögulega við fyrri talningu gengur ekki upp því sjaldan er ein báran stök. Ekki er útilokað að svindlarinn, hver eða hverjir svo sem það eru, hafi getað nýtt tækifæri á fyrri stigum málsins til að eiga við atkvæði. Endurkosning með virkri vöktun atkvæða er eina færa leiðin ef standa á vörð um tiltrú kosninga og lýðræðis. Hvoru tveggja riðar til falls að óbreyttu.        

Þú gætir haft áhuga á þessum

Auglýsing

Tengdar fréttir sem þú gætir haft áhuga á að lesa: