Jóhann Þorvarðarson:
Um 86 prósent af öllum heimsviðskiptum fara fram í evru eða bandarískum dollar. Þar að baki eru grjóthörð efnahags- og öryggismálarök, sem ég hef rakið í fjölmörgum Miðjugreinum.
Valið stendur á milli íslenska korktappans eða evruakkerisins.
Eins og ég hrek í þessari grein „Glundraðaflokkur – Flokkur fólksins“ þá er það vanhugsuð hugmynd að taka húsnæðisliðinn úr neysluverðsvísitölunni. Það væri ávísun á efnahagslegan glundroða. Nú hefur Jakob Frímann Magnússon þingmaður flokksins slengt fram annarri glundroðahugmynd, sem mörkuð er af alvarlegri hugsunarskekkju. Hann álítur að til sé þriðja leiðin til hliðar við að vera með íslenska krónu eða taka upp evru í gegnum aðild að Evrópusambandinu.
Um 86 prósent af öllum heimsviðskiptum fara fram í evru eða bandarískum dollar. Þar að baki eru grjóthörð efnahags- og öryggismálarök, sem ég hef rakið í fjölmörgum Miðjugreinum. Stór hluti af erlendum viðskiptum Íslendinga er við evrulönd eða lönd sem tengja sína mynt við evruna með rembihnút. Stjórnarfarslega, sögulega, menningarlega og viðskiptalega þá er Ísland tengt sterkari böndum við evrusvæðið en Bandaríkin. Það er því engin þriðja leið. Valið stendur á milli íslenska korktappans eða evruakkerisins. Málefnafátækt og þekkingarleysi Flokk fólksins á grundvallarmálum hagstjórnar æpir á mann aftur og aftur. Er svo komið að flokkurinn er búinn að mála sig út í horn í mikilvægum málum.