- Advertisement -

Miðjan hafði rétt fyrir sér, eðlilega!

Félögin bognuðu undan fölskum áróðrinum.

Jóhann Þorvarðarson skrifar:

Bankar og opinberar stofnanir fóru mikinn án tilefnis á síðasta ári. Sögðu að hagvöxtur myndi verða neikvæður á árinu 2019 og sumir spáðu samdrætti upp á jafnvel mínus 2%. Stóru fjölmiðlarnir básúnuðu þetta í einróma kór!

Sjálfur var ég ósammála þessu öllu og spáði að hagvöxtur ársins 2019 færi ekki undir 1,8% samanber þessi grein hér á Miðjunni „Vöxtur ekki samdráttur!“. Spá mín byggði á  eigin spáhæfni.

Nýjar opinberar tölur segja að hagvöxtur árið 2019 hafi verið 1,9% að raungildi.

Sem sagt, takið mark á Miðjunni. Fyrst með fréttirnar!

Þessar kolröngu hagspár jötna íslenskra hagspáa nýttu hræsnarasamtök atvinnulífsins sér í botn í kjaraviðræðum við ýmis stéttarfélög á vormánuðum síðasta árs. Félögin bognuðu undan fölskum áróðrinum, fóru á taugum. Þetta þróttleysi bitnar í dag á fátækum sem eru enn í þeirri stöðu að ná ekki endum saman. Þurfa að svelta sig síðustu viku hvers mánaðar á meðan ósannindamenn belgja sig út!

Hér er greinin frá því í fyrra:


Tengdar fréttir sem þú gætir haft áhuga á að lesa: