- Advertisement -

Mogginn ver Inga í Borgarnesi

Sigurjón Magnús Egilsson:

Flokkurinn á Inga Tryggvason og ver hann sem mest og best hann getur. Leifarnar af Mogganum, sem var, eru notaðar sem mest er hægt.

„Reynt er að gera sér mik­inn mat úr því að inn­sigla skuli kjör­gögn áður en þau eru send áfram til réttra aðila og láta eins og í því til­viki hafi lög verið brot­in af yfir­kjör­stjórn kjör­dæm­is­ins. Ekk­ert hef­ur komið fram sem bend­ir til að þar hafi í raun verið ágalli á vinnu­brögðum yfir­kjör­stjórn­ar,“ skrifar ríkisstyrkti ritstjórinn Davíð í leiðara dagsins.

Umburðarlyndi Davíðs er mikil. „Reynt er að gera það tor­tryggi­legt að einn af hús­ráðend­um á kjörstað hafi tekið mynd af kjör­gögn­um óinn­sigluðum í taln­ing­ar­sal í lok taln­inga. Áður­nefnd­ur fram­bjóðandi Pírata í kjör­dæm­inu seg­ir að sá sem tók mynd­ina hafi „valsað“ um sal­inn þar sem kjör­gögn­in voru og höfðu áður verið tal­in og voru geymd. Ekk­ert bend­ir til þess. Fram er komið að full­trúi yfir­kjör­stjórn­ar fylgd­ist með þess­ari mynda­töku og ekk­ert var at­huga­vert við hana. Frétta­menn Rík­is­út­varps­ins höfðu áður verið með mynd­ir frá taln­ing­ar­saln­um og sýnt þær, enda ekk­ert at­huga­vert við það.“

En hver er Ingi Tryggvason sem Mogginn ver með stílæfingum.

Þú gætir haft áhuga á þessum

„Ingi Tryggvason er ekki einhver maður út í bæ. Áður en hann var skipaður héraðsdómari af ráðherra Sjálfstæðisflokksins í fyrra þá var hann fulltrúi við Héraðsdóm Vesturlands ásamt því að vera settur héraðsdómari af og til. Rak síðan frá aldamótum eigin lögmannsstofu ásamt því að sinna ýmsum stjórnsýslustörfum fyrir Sjálfstæðisflokkinn,“ skrifaði Jóhann Þorvarðarson hér á Miðjuna.

Niðurstaða Moggans og þá líka flokksins er þessi: „Það er al­var­legt mál að grafa und­an trausti al­menn­ings á alþing­is­kosn­ing­um. Það sem fram er komið í þessu máli gef­ur ekk­ert til­efni til að það sé gert.“

En spyrja má, hver gróf undan trausti almennings á alþingiskosningum? Fólkið í landinu, Jóhann Þorvarðarson, gagnrýnendur eða voru það Ingi Tryggvason, Davíð Oddsson og fylgitunglin hans á Háaleitisbraut 1 í Reykjavík.


Tengdar fréttir sem þú gætir haft áhuga á að lesa: