Jóhann Þorvarðarson:
Lygalubbinn hann Gísli Freyr eyðir engu orði eða tíma í að meta hvort ákvörðun borgarinnar um að bíða með skuldabréfaútboð flokkist sem hyggileg ráðstöfun enda eru lánskjör um þessar mundir afar óhagstæð.
Morgunblaðið og fulltrúar Sjálfstæðisflokksins í borgarstjórn renna reglulega á rassinn í umfjöllun um málefni borgarinnar. Ýmsum þvættingi er hiklaust slegið fram í tilraun til að rugla borgarbúa í ríminu. Nýjasta útspil Moggans kemur frá Gísla Frey Valdórssyni eða hinum sama og tók þátt í því að ljúga að þjóðinni þegar Hanna Birna Kristjánsdóttir var dómsmálaráðherra. Enduðu lygarnar á því að dómsmálaráðherrann varð að segja af sér og hætta í stjórnmálum með ævarandi skömm. Æra Gísla Freys hefur æ síðan verið mörkuð ótrúverðugleika. Það hefur samt ekki komið í veg fyrir að maðurinn skrifi óhróður fyrir blaðið og birti á áberandi stað.
Núna segir hinn ósómakæri Gísli Freyr Valdórsson að borgin vilji forðast niðurlægingu á fjármálamarkaði með því að hætta við skuldabréfaútgáfu annan mánuðinn í röð. Máli sínu til stuðnings vísar hann í ónafngreindar hýenur, sem hann segir að þekki vel til. Þetta er svona lélegasta sort af blaðamennsku því hver sem er getur vitnað í ótilgreindar aðila þvælu sinni til stuðnings. Kannski er Hanna Birna helsti heimildarmaðurinn í þessari frétt?
Lygalubbinn hann Gísli Freyr eyðir engu orði eða tíma í að meta hvort ákvörðun borgarinnar um að bíða með skuldabréfaútboð flokkist sem hyggileg ráðstöfun enda eru lánskjör um þessar mundir afar óhagstæð. Aðilar sem stýra fjármálum borgarinnar vilji kannski doka við og fara vel með skattfé borgarbúa. Nú eða að borgin sé ekki nauðbeygð að taka lán um þessar mundir og hafi slaka í þessum efnum.
Eins og áður þá er ekkert mark takandi á Morgunblaðinu enda sækir fólk annað eftir trúverðugum fréttaflutningi.
Reykjavíkurborg á ekki í neinum vandræðum með að fá lán, innanlands eða erlendis. Hún er eftirsóknarverður skuldari enda er fjárhagsstaða borgarinnar til lengri tíma litið traust, eftirsóknarverð. Þetta staðfesta endurskoðaðir ársreikningar A og B-hluta Reykjavíkurborgar. Og þetta er einnig staðfest í árshlutareikning fyrir tímabilið janúar til september 2022.
Eins og mörg önnur sveitarfélög þá hefur borgin þurft að glíma við tímabundnar afleiðingar kóvít-19. Það er eitthvað sem lygalubbinn fjallar ekki um í fréttinni. Í þessu samhengi má benda á að það var ekki fyrr en í gær sem bandarísk stjórnvöld aflýstu neyðarástandi þar vestra vegna heimsfaraldursins. Eins og áður þá er ekkert mark takandi á Morgunblaðinu enda sækir fólk annað eftir trúverðugum fréttaflutningi.