- Advertisement -

Óhreinindi Landsréttar!

Þið sjáið að dómararnir lögðu sérfræðingnum orð í munn og rugluðu með vitnisburðinn.

Jóhann Þorvarðarson skrifar:

Á síðasta ári féll dómur í Landsrétti sem sýnir óhreinindi tveggja dómara í verki þegar ég stefndi Fasteignasölunni Torg í Garðabæ fyrir dóm. Umræddir dómarar eru Hervör Þorvaldsdóttir forseti Landsréttar og Aðalsteinn E Jónasson.

Í uppbyggingu að dómsorðinu vísa dómararnir í vitnisburð sérfróðs sérfræðings (matsmanns) með eftirfarandi hætti:

Þú gætir haft áhuga á þessum

„Aðspurður hvort ekki hefðu verið seldar svipaðar fasteignir á lægra verði á þeim tíma kvað hann svo hafa verið.“

En grípum beint inn í eiðsvarinn vitnisburð sérfræðingsins sem heyra má af upptökum í dómsal:

Hervör: Já, voru einhver dæmi um að eignir hafi verið seldar á þessu verði, svipuðu verði, var þetta meðaltal á sölu eigna? Dan (matsmaðurinn): Verðin voru rosalega misjöfn. Hervör: Já. Dan: Maður sá mun hærri tölur og mun lægri tölur. Hervör: Já. Dan: Þó maður geri einhverja svona könnun sko þá veit maður ekki hvernig eignirnar líta út og hvernig þær voru við sölu. Hervör: Nei“.

Þið sjáið að dómararnir lögðu sérfræðingnum orð í munn og rugluðu með vitnisburðinn. Frásögn þeirra af svörum sérfræðingsins er fölsk sem endurspeglar annarlegt viðhorf dómaranna til míns málsstaðar og minnar persónu!

Málinu lauk með klofnum dómi, þ.e. prófessor í skaðabótarétti við Háskóla Íslands skilaði sératkvæði. Atkvæðið ber skýrlega með sér að prófessornum er stórlega misboðið. Hann tekur meðdómarana hreinlega í kennslustund í skaðabótarétti. Það er ógeðfellt að sjá upp í skolt Landsréttar!

Ég mun fjalla sérstaklega um sératkvæði prófessorsins í annarri grein hér á Miðjunni síðar. Þá mun koma betur í ljós að ef þú ert ekki inn undir hjá bláu höndinni þá áttu litla möguleika í dómsmáli!  Þetta er Ísland í dag, land Sjálfstæðisflokksins!    

Áhugaverðar upplýsingar um hæði Landsréttar í málinu:

Hervör Þorvaldsdóttir er frænka Davíðs Oddssonar og Þorsteins Davíðssonar héraðsdómara og systir Barkar Þorvaldssonar hæstaréttardómara. Aðalsteinn E. Jónasson er eiginmaður Ásdísar Höllu Bragadóttur sjálfstæðiskonu. Sératkvæði í málinu skilaði Eiríkur Jónsson prófessor í lögum og dæmdi hann eftir lögum og var óhlutdrægur.

Í héraði þá flutti Guðfinna Jóhanna Guðmundsdóttir mál gagnaðila (Fasteignasalan Torg í Garðabæ). Hún vinnur á sömu skrifstofu og Hróbjartur Jónatansson sem flutti málið í Landsrétti. Guðfinna Jóhanna er í sambúð með Davíð Þór Björgvinssyni varaforseta Landsréttar. Davíð Þór er náinn samstarfsmaður Hervarar Þorvaldsdóttur forseta Landsréttar sem dæmdi í málinu!

Kommentakerfi er opið hér að neðan.


Tengdar fréttir sem þú gætir haft áhuga á að lesa: