Þorsteinn Gunnarsson á Selfossi hefur verið í ferðahugleiðingum og aflaði sér upplýsinga um frí hér innanlands og frí á Tenerife á Spáni.
Það er vefsíðan eirikurjonsson.is sem greindi fyrst frá.
Þorsteinn spyr einfaldlega:
„Hver hefur efni á því að ferðast innanlands?“
Og svarar líka:
„Ja, ekki við, svo mikið er víst.”
Þorsteinn segir að ástæðan fyrir fullyrðingu sinni um að dýrt sé að ferðast um Ísland sé þessi:
„Var að athuga hvað 3 nætur á Akureyri kostuðu nú í sumar. Það voru rúmar 263 þúsund krónur, 21 fermetra kytra – með svölum þó.“
Nokkuð ljóst er miðað við orð Þorsteins og rannsóknir hans á verðlagi tengt ferðalögum innanlands hefur leitt hann að ákveðinni niðurstöðu:
„Eigum bókaðar 21 nótt í sumar á Tenerife í mun stærra stúdíó og greiddum rúmar 163 þúsund krónur fyrir.”